Mar 1:21-28 | YomNWM | STEP | Bayenda ku Kafalinawumi. Lumbu ki saba bu kifuana, Yesu wukota mu nzo lukutukunu ayi wutona longa.

Mark 1:21-28

Yesu wukuka ziphevi zimbimbi

21 Bayenda ku Kafalinawumi. Lumbu ki saba ^{▼▼Lumbu ki saba : tala Matayi 12.1} bu kifuana, Yesu wukota mu nzo lukutukunu ayi wutona longa. 22 Basimina mu diambu di malongi mandi. Bila wuba longila mu lulendo vayi bika banga minlongi mi mina. 23 Muna nzo lukutukunu muba mutu wumosi wuba pheve yimbimbi, wutona yamikina :

24 —A ! Yesu muisi Nazaleti, mbi mambu tuidi beto yaku e ? Wizidi mu kutubunga e ? Minu ndizebi, ngeyo widi nani : widi mutu wunlongo wu Nzambi.

25 Yesu wutemina pheve yimbimbi ayi wuntumina :

—Bika biyoko, totuka mu mutu wawu !

26 Pheve yimbimbi yitukumuna mutu beni, yiyamikina mu mbembo yingolobosi yitotuka.

27 Babo basimina ayi baba kukiyuvula bawu na bawu :

—A ! Diambu mbi diadi e ? Talanu ndongolo yimona yinlongolo mu lulendo. Niandi wuntumina ziphevi zimbimbi ayi ziphevi beni zikuntumukina.

28 Buna tsanguꞌandi yitembakana mu zunga kioso ki Ngalili.